Kryetari i kuvendit të enklavës serbe në Bosnje dhe Hercegovinë, të ashtuquajturës “Republika Serbe” Nenad Stevandiq ka thënë se “pas vizitës së kryeministrit të Kosovës Albin Kurti në Sarajevë, ata kanë paralajmëruan kolegët e tyre nga Bosnja dhe Hercegovina se Republika Serbe gjithashtu mund të përdorë termin “Vetëvendosje” dhe se “ata e kuptuan këtë mesazh”, transmeton portali serb “kosovoonline”.
“Kolegët në BeH u paralajmëruan se pasi e pranuan Kurtin, i cili “shpalli ilegalisht pavarësinë” duke përdorur termin vetëvendosje dhe Kartën e Kombeve të Bashkuara, nuk ishte korrekte. Dhe ne thamë se edhe ne mund ta përdorim këtë nëse kaq shumë e duan Kurtin. Mendoj se ata e kuptuan këtë mesazh, si dhe ata që ishin sponsorë ndërkombëtarë të Kurtit në Sarajevë”, ka bërë kërcënime boshe Stevandiq.
Duke komentuar konkluzionet e miratuara në kuvendin i RS për vizitën e Kurtit, ai ka thënë se “ky është një nga dokumentet më serioze që do të shpërndahet në adresa të ndryshme, përfshirë edhe rrjetin diplomatik-konsullor të BeH”.
“Ata do të shpërndahen kudo përmes kanaleve diplomatike. Tashmë po marrim informacione se kjo është regjistruar në media të huaja dhe po marrim mesazhe, kështu që tashmë po krijon një jehonë të madhe”, ka pretenduar Stevandiq.
Ai ka thënë se konkluzionet e miratuara janë “një sugjerim për të gjithë njerëzit në rrjetin diplomatik-konsullor në BeH se ata duhet të marrin parasysh interesat e Republikës Serbe kur të marrin vendime në të ardhmen”.