Edhe pak javë na ndajnë nga nisja e festivalit madhështor “Sunny Hill Festival”, i cili këtë vit do të mbahet në Bërnicë të Epërme, me dy skena gjigante.
Gjatë katër netëve, do të ngjisin skenën artistë të njohur të arenës ndërkombëtar dhe vendore.
Vetëm së fundmi, u bë e ditur se në këtë festival do të performojë edhe reperja e njohur dhe ylli i ri në ngritje, Ya Nina.
Rep-artistja njihet për zërin dhe energjinë e saj të veçantë që përçon tek audienca, dhe performanca e saj në festival nuk do të jetë përjashtim për të elektrizuar skenën.
Ya Nina ka realizuar bashkëpunime të shumta me emra të njohur të estradës tonë, duke përfshirë Dafina Zeqirin, Ledri Vulën dhe Elinelin.