Për rënien e sistemit të KQZ-së në ditën e zgjedhjeve, teksa u numëronin votat, Asdren Shala nga PSD tha se ky është manipulim nga qeveria Kurti.
Në emisionin ‘ARB Debat’ përballë moderatorit Rid Berisha prodhim ky i TV Arbëria, i ftuar Asdren Shala nga PSD, thotë se e kanë parë përpjekjen e Kurtit për t’i vënë nën kontroll shumë institucione, edhe atë të KQZ-së, meqenëse s’i ka pëlqyer rezultati.
“Këtu besoj çdo njeri normal që e ka përcjell qeverisjen e Kurtit edhe përpjekjen e tij me i shti nën kontroll shumë institucione siç është RTK-ja, madje edhe KQZ-ja, për ne nuk ka pik dyshimi, edhe për mua si Asdren por edhe për PSD-n, kjo është direkt ndikimi i partisë në pushtet, meqenëse s’i ka pëlqyer rezultati, ky është hapi i parë”, deklaroi ai.
Sipas vlerësimit të Shalës, Kurti është humbës pasiqë është qeveria e parë në Kosovë që ka qeverisur me mandat të plotë dhe ka rënë 11 pikë në zgjedhjet paraprake.
“Qeverisja Kurti është humbës pasiqë është partia e parë që e ka qeverisur Kosovën në mandat të plotë e vetme pa partnerë koalicioni dhe që ka rënë 11 pikë nga zgjedhjet paraprake.”
Megjithatë, Shala theksoi se ky është vetëm hapi i parë, tendenca që t’i manipulojë zgjedhjet.
“Ky është vetëm hapi i parë, tendeca t’i manipulojë zgjedhjet duke e pasur instrument KQZ-n, kemi me pa hapa në vazhdim”, është shprehur Shala.
Më tej, i njëjti konstaton se në fushata Kurti i është ankuar KQZ-së që të mos ta çertifikojë Listën Serbe, ku sipas tij kjo tregon se ka nisur të ushtrohet infrastruktura që në qoftëse si pëlqen rezultati mos t’i njoh ato.
“Ne e kemi paë Kurtin nëpër fushata se si i është ankuar KQZ-s që të mos ta çertifikoj Listën Serbe, aty ka nisur njëfarë forme të ushtrohet infrastruktura që nëse si pëlqen rezultati mos mi njoft rezultatet”, deklaroi Shala në ‘ARB Debat’./tvarbëria/