Rastet me kancerin e prostatës në mbarë botën ka të ngjarë të dyfishohen deri në vitin 2040, sipas një studimi.
Numri i meshkujve të diagnostikuar me kancer të prostatës në mbarë botën parashikohet të dyfishohet në 2.9 milionë në vit deri në vitin 2040, me vdekjet vjetore që parashikohen të rriten me 85%. Kanceri i prostatës është tashmë një shkak kryesor i vdekjes dhe paaftësisë dhe forma më e zakonshme e kancerit tek meshkujt në më shumë se 100 vende.
Një analizë e re parashikon një rritje dramatike të rasteve dhe vdekjeve gjatë 15 viteve të ardhshme.
Diagnozat parashikohen të rriten nga 1.4 milion vit në 2020 në 2.9 milion deri në vitin 2040, që do të thotë se rreth 330 burra do të preken në çdo orë. Numri i vdekjeve në mbarë botën parashikohet të rritet me 85% gjatë periudhës 20-vjeçare, nga 375,000 në vitin 2020 në pothuajse 700,000 deri në vitin 2040.
Duke qenë se faktorët kryesorë të rrezikut për kancerin e prostatës janë të pashmangshëm, ekspertët thonë se do të jetë e pamundur të parandalohet rritja e rasteve thjesht nëpërmjet ndryshimeve të stilit të jetesës. Rikujtojmë se një hulumtim i ri ka zbuluar se sa herë në muaj duhet të bëjnë seks meshkujt për të ulur rrezikun e kancerit të prostatës. Kjo vjen pasi një sondazh ka zbuluar se 43% e meshkujve nuk do të shkonin te mjeku i tyre për një simptomë kryesore të sëmundjes.
Ngritja gjatë natës për të urinuar është e zakonshme, që ndodh në rreth një të katërtën e meshkujve. Por vetëm një e pesta e tyre e kuptojnë se kjo mund të sinjalizojë një problem me prostatën e tyre, sipas një studimi të ri nga Spitali i Mbretit Edward VII. Rreth 29% supozojnë se kjo është për shkak të moshës së vjetër, ndërsa 43% nuk do të shkonin te mjeku për këtë./tch