Kryetari i Drenasit, Ramiz Lladrovci, gjatë qëndrimit në Vjenë ka takuar veprimtarin e çështjes kombëtare, Argëtim Hani, si dhe mikun nga Llapi, Naim Sinani.
Lladrovci ka vlerësuar lartë kontributin e mërgatës shqiptare ndër vite, duke kujtuar angazhimin patriotik të bashkëveprimtarëve dhe ish-të burgosurve politikë, Tahir Hani dhe Fehmi Lladrovci.
Ai theksoi se shqiptarët në mërgatë mbeten pjesë e pandashme e suksesit dhe zhvillimit kombëtar, derisa shtoi se patriotizmi sot lidhet jo vetëm me kujtesën për sakrificën, por edhe me zhvillimin ekonomik dhe forcimin e sipërmarrjes shqiptare.
Sipas Lladrovcit, suksesi i shqiptarëve jashtë vendit është sukses i të gjithë kombit, ndërsa përcolli edhe mesazhin e Argëtim Hanit për më shumë bashkëpunim dhe angazhim në zhvillim.