Shkruan: Afrim Kasolli
Është thënë edhe gjatë ditës së djeshme nga shumë të tjerë se njëri nga motivet që e ka çuar kryeministrin e Kosovës, Albin Kurti në grepin e dy komedianëve rusë, “Vovan & Lexus”, ka qenë edhe heshtja ndërkombëtare ndaj fitores së tij në Kosovë. I izoluar dhe shpërfillur nga pjesa tjetër e diplomacisë perëndimore, pa asnjë urim për rezultatin e zgjedhjeve, duket që kryeministri Kurti i nxitur nga një padurim i zemrës me të cingëruar telefoni nuk ka nguruar për ta hapur. Po ashtu, si duket edhe stafi i tij, të entuziazmuar nga çarja e izolimit të shefit të tyre i kanë shpërfillur të gjitha procedurat tjera të protokollit shtetëror e për ta verifikuar se është në të vërtetë presidenti i Letonisë, ashtu siç e kanë pretenduar dy mashtruesit në fjalë.
Sidoqoftë, pavarësisht arsyeve që e kanë quar një kabinet të tërë qeveritar të bien pre në grepin e rusëve, kjo ngjarje nuk mund të justifikohet për shkak të shumë arsyeje. Dhe për më tepër ajo manifeston një tallje banale më përfaqësimin shtetëror. E para, sikur kryeministri Kurti të kishte menduar pak a më shumë apo të ishte treguar më i kujdesshëm mbase ky skandal diplomatik do të ishte shmangur. Por ja që Albin Kurti e ka dëshmuar disa herë së pikërisht paaftësia për të menduar e ka shndërruar atë në sinonim të komikes. Edhe kjo nuk do të ishte telashe sikur ai të mos ishte përfaqësues i shtetit të Kosovës. Siç e përmendi edhe një analist tjetër shkarje të tilla ishin vërejtur që nga një vizitë në një shkollë në Komunën e Podujevës.
Atëbotë kryeministri Kurti, duke dashur t’i impresionoi nxënësit e klasës së gjashtë, kishte bërë një operacion të gabuar matematikor, për çka më vonë ishte arsyetuar se sikur të “mendonte pak më shumë do ta kuptonte që nuk ishte saktë detyra e zgjidhur” Por ndër gabimet më fatale që deri më tani e ka pranuar, ndonëse jo hapur, mirëpo në mënyrë të tërthortë, ka qenë ai pajtimit me themelimin e Asocacioinit të komunave me shumicë serbe. Pas glorifikimit që i kishte bërë këtij entiteti ai vetëm vonë kishte dalur kundër veprimeve të veta me pretendimin se nuk mund ta themelojë atë, sepse i njëjti nuk është kompetencë e tij. Dhe ky përditësim dhe iluminim nuk i erdhi rastësisht. Por vetëm pasi ishte bërë publik një raport Grupit për Politikat dhe të Drejtën Ndërkombëtare Publike në SHBA, i cili shkruan se “kërkesat ndaj autoriteteve shtetërore të Kosovës për të themeluar Asociacionin e komunave me shumicë serbe bien ndesh me Kushtetutën e Kosovës dhe se do të shkeleshin kompetencat që kjo kushtetutë ua jep autoriteteve komunale”.
Prandaj krejt “rezistenca” e mëvonshme ndaj këtij detyrimi ishte një përpjekje tij don kishoteskte për ta sanuar atë gabim fatal. Por, mjerisht ky i fundit tashmë është shndërruar në obligim ndërkombëtar për shtetin.
Pra janë këto sjellje “recidiviste” politike që po shpien kryeministrin Kurti nga gabimi në gabim, sikur edhe ky i fundit. Dhe sikur në këtë bashkëbisedim vërtetë të ishte presidenti i Letonisë, pwrswri do tw ishte skandal, sikur se bie fjala shndërrimi temave për përfitime të brendshme politike në agjendë ndërkombëtare shtetërore. Kjo bisedë mbase dëshmon se pse nuk është befasi që shumica e investimeve perëndimore me theks ato gjermane janë orientuar në Serbi. Fakt ky, qe e ka pranuar edhe i dërguari i Gjermanisë për Ballkanin Perëndimor, Manuel Sarrazin. Ngase siç u pa nga ajo tallje banale me shtetin, shefi i Qeverisë së Kosovës, nuk ka kohë të angazhohet me homologët e tij ndërkombëtar në këto tema, duke shpenzuar kohën me ta kundër Grenellit e kundër opozitës.