Qëndrim Kryeziu ka deklaruar se një pjesë e madhe e të rinjve që dikur iu bashkuan Lëvizja Vetëvendosje me shpresë për ndryshim, tashmë po përjetojnë zhgënjim.
Sipas tij, në vend që energjia rinore të përdorej për zhvillimin e vendit, ajo është shfrytëzuar për propagandë dhe sulme ndaj kritikëve të qeverisë së udhëhequr nga Albin Kurti. Ai përmendi edhe raste të ish-aktivistëve që, sipas tij, kanë pranuar mungesën e meritokracisë dhe praninë e klientelizmit e nepotizmit.
Kryeziu theksoi se pavarësisht kritikave, ai zgjedh faljen dhe bën thirrje për unitet, duke shtuar se Kosova duhet të vendoset mbi interesat partiake dhe se shteti ndërtohet me përkushtim, jo me propagandë.