Qëndrim Kryeziu ka akuzuar Qeverinë për zbatim të standardeve të dyfishta në projektet infrastrukturore, duke krahasuar mënyrën e ndërtimit të urave në rrugën Gjakovë–Klinë me ato në Mitrovicë.
Sipas tij, në rrugën Gjakovë–Klinë dy ura janë ndërtuar përmes tenderit të hapur publik me një vlerë prej rreth 2 milionë eurosh.
Ndërsa, ai thekson se në Mitrovicë e njëjta qeveri ka përdorur kontrata njëburimore, përkatësisht me negociatë direkte, ku njëra kontratë kap vlerën mbi 4.4 milionë euro dhe tjetra mbi 3 milionë euro, për ndërtimin e vetëm dy urave për këmbësorë.
Kryeziu e ka cilësuar këtë si një shembull të qartë të standardeve të dyfishta në menaxhimin e projekteve publike.