Qëndrim Kryeziu ka bërë thirrje për unitet dhe bashkim të shqiptarëve, duke publikuar një mesazh në të cilin ka përmbledhur thënie dhe qëndrime që ua atribuon figurave të njohura kombëtare dhe politike shqiptare.
Në mesazhin e tij, Kryeziu ka përmendur figura historike si Gjergj Kastrioti, Pashko Vasa, Naim Frashëri, Isa Boletini, Hasan Prishtina dhe Luigj Gurakuqi, duke vënë në pah rëndësinë e bashkimit kombëtar, ruajtjes së gjuhës shqipe dhe mbrojtjes së atdheut.
Ai ka përfshirë edhe figura të historisë së Kosovës, si Ibrahim Rugova, Hashim Thaçi, Azem Syla, Xhavit Haliti dhe Adem Demaçi, duke rikujtuar mesazhe që lidhen me shmangien e përçarjeve, bashkëpunimin politik dhe solidaritetin mes shqiptarëve.
Kryeziu ka theksuar se shqiptarët duhet t’i lënë anash dallimet dhe të përqendrohen te vlerat që i bashkojnë, duke u bërë thirrje qytetarëve që t’i lexojnë dhe t’i kujtojnë mesazhet e figurave që kanë kontribuar në historinë kombëtare.
“Në mesazhin e tij, ai ka apeluar që emri i Shqipërisë të mos përdoret për të nxitur ndarje mes shqiptarëve.
“Mos e përdorni emrin e Shqipërisë për ta ndarë shqiptarin nga shqiptari”, ka shkruar Kryeziu.
Mesazhin e tij, ai e ka përmbyllur me thirrjen për bashkim, unitet, ruajtje të gjuhës, atdheut dhe vëllazërisë, duke kundërshtuar përçarjen dhe konfliktet mes shqiptarëve.