Zyrtari i Lidhjes Demokratike të Kosovës (LDK), Visar Azemi ka publikuar pamje të magjistrales Prishtinë-Ferizaj të cilat i ka quajtur skandaloze.
Azemi ka thënë se edhe bizneset po preken prej kësaj, duke thënë se pamundësohet edhe qasja e klientëve.
“Dëgjova për së afërmi hallet e bizneseve, që mbushin buxhetin e shtetit dhe ankesat e tyre që nuk po iu zgjidhet ky problem.
Duhet ndërhyrje urgjente për këtë, sepse kriza e ndërrmarrësve thellohet.”, ka shkruar Azemi.
Postimi i plotë:
Gjendja aktuale në magjistralen Prishtinë- Ferizaj është skandaloze.
Shumë biznese të Ferizajt që operojnë përreth, po ballafaqohen me vështirësi të përditshme nga gropat e shumta dhe gjendja e tmerrshme e kësaj rruge nacionale. Por edhe më të tmerrshme gjendjen e bëjnë të reshurat e shiut, që depërtojnë në objektet e tyre dhe njëkohësisht ua pamundësojnë qasjen e klientëve në biznese.
Dëgjova për së afërmi hallet e bizneseve, që mbushin buxhetin e shtetit dhe ankesat e tyre që nuk po iu zgjidhet ky problem.
Duhet ndërhyrje urgjente për këtë, sepse kriza e ndërrmarrësve thellohet.