FBI ka identifikuar 20-vjeçarin Thomas Matthew Crooks si i dyshuar i përfshirë në atentatin ndaj ish-presidentit Donald Trump në tubimin e mbajtur të shtunën pasdite në Pennsylvania, përcjell Reporteri.net.
20-vjeçari mbeti i vrarë nga agjentët e Shërbimit Sekret.
“FBI ka identifikuar Thomas Matthew Crooks, 20 vjeç, nga Bethel Park, Pennsylvania, si subjekt i përfshirë në atentatin e ish-presidentit Donald Trump më 13 korrik, në Butler, Pensilvani. Ky mbetet një hetim aktiv dhe në vazhdim, dhe kushdo që ka informacione që mund të ndihmojë me hetimin inkurajohet të dërgoni foto ose video në internet në FBI.gov/butler ose telefononi 1-800-CALL-FBI.”, thuhet në deklaratën e FBI.
Por, nga ngjarja e rëndë e së shtunës, nga të shtënat e pakontrolluara të sulmuesit, siç edhe tha një zyrtar policor, mbeti i vrarë një qytetar pjesëmarrës në këtë tubim.
Poashtu nga të shtënat mbetën të plagosur rëndë dy persona tjerë.
Nga të dhënat publike, u raportua se 20-vjeçari kishte qenë i regjistruar si republikan, por që kishte dhënë 15 dollarë donacion për një grup demokratësh.
