Qe gjashtë ditë po digjen malet rreth fshatit Babaj i Bokës në Gjakovë.
Një pjesë e konsiderueshme e zonës malore shihet se është djegur krejtësisht.
Madje edhe të hënën, flakët ishin të mëdha, saqë nuk i shpëtuan as pemët.
E një banor i një qyteti të Shqipërisë po thotë se zjarri fillimisht ka nisur në shtetin shqiptar.
Problem i madh krahas djegies së tokës është edhe tymi i madh i cili po paraqet telashe për banorët e këtushëm.
Megjithatë, komandanti i zjarrfikësve në Gjakovë tregon përpjekjet për shuarjen e zjarrit dhe thekson që presin që flakët ti shuajnë në tërësi së shpejti.
“Ditën e shpërthimit të zjarrit, policia për rajonin e Gjakovës kishte njoftuar se zjarrfikësit kishin dalë në vendin e ngjarjes dhe atyre iu kanë dalë në ndihmë edhe pjesëtarë të KFOR-it në përpjekje për shuarjen e zjarrit”, tha komandanti i zjarrfikësve në Gjakovë, Xhevdet Brahimaj.
Televizioni ka tentuar të marrë një qëndrim nga Policia në rajonin e Gjakovës për këtë çështje, por ata kanë thënë që për këtë temë janë përgjegjës zjarrfikësit.
Zakonisht në sezonin e verës ka një numër të madh të zjarreve ku përfshihen kryesisht pjesët malore.