Arbëria TV

Blog Post

Arbëria TV > Lajme > Arbëria > Provokimi me grafite në veri – Alarmon drejtori i ‘Octopus’: Po ndodh sikurse para sulmit të Banjskës

Provokimi me grafite në veri – Alarmon drejtori i ‘Octopus’: Po ndodh sikurse para sulmit të Banjskës

Grafite të reja janë shfaqur sot në katër komunat në veri të vendit, me mbishkrimin “Kur të kthehet ushtria në Kosovë, Brigada e Veriut jeton”.

Lidhur me këto grafite njohësi i çështjeve të sigurisë dhe drejtori i Institutit “Octopus”, Agim Musliu ka shkruar se këto grafite janë sikurse para 24 shatorit, para se të ndodhte agresioni në Banjskë.

Ai ka shkruar se perëndimi është në gjumë, derisa ka pyetur se ku po mbet Kosova.

“Dje, kërcënimi për Kryeministrin e Kosovës, i cili pasi u dekonspirua, gjoja u vu në diskutim nëse ishte i vërtetë nga Serbia, Maqedonia e Veriut dhe një pjesë e shqiptarëve;

Sot, grafite (Brigada e Veriut është gjallë & Kur ushtria të kthehet në Kosovë) sikurse para 24 shtatorit, agresionit në Banjskë;

Gjersa, krejt Evropa dhe SHBA janë këtë vit në zgjedhje, e ndoshta edhe Kosova, Serbia tashmë s’e ka këtë hall, sepse i ka vjedhë zgjedhjet. Putini po siguron mandat jetësor!

Perëndimi në gjumë, e Kosova ku?”, ka shkruar Musliu.

Postimi i plotë:


/TV Arbëria

Themes by WordPress