Katër protestues që kanë bllokuar rrugët pranë Aeroportit Ndërkombëtar të Prishtinës “Adem Jashari” raportohet janë arrestuar.
Pas arrestimeve, dhjetëra protestues të tjerë po protestojnë përballë policisë, duke kërkuar lirimin e menjëhershëm të të arrestuarve.
“Nuk do të lëmë asnjë protestues mbrapa”, është mesazhi i protestuesve, të cilët po kërkojnë që katër të arrestuarit të lirohen pa vonesë.
Bllokimi i rrugëve pranë aeroportit është zhvilluar në kuadër të kundërshtimit të aktgjykimit të Gjykatës Speciale ndaj ish-krerëve të UÇK-së.