Qytetarët e rrugës B në kryeqytet po ankohen se po kanë probleme në qarkullim, pasi që ujërat e zeza po kalojnë në trotuar dhe po ua vështirësojnë lëvizjen. Ata po ashtu thanë se rrezikohen nga ndonjë sëmundje për shkak të rrjedhës së këtyre ujërave.
Rrjedhja e shpejtë e kanalizimit përgjatë trotuarit po rrezikon edhe bizneset aty pari, përgjegjësit e tyre, e kanë ngritur si shqetësim jashtë kamerave.
Ata thanë se edhe përkundër thirrjes për marrjen e masave për parandalimin e rrjedhjes së këtij kanalizimi, nuk pati ndërhyrje as nga Komuna e Prishtinës dhe as nga ujësjellësit.
Ky problem ndonëse nuk është i panjohur për ata. Probleme të tilla kanë hasur edhe më herët, përgjatë kësaj rruge. Por, edhe përkundër intervenimit të Komunës, ujërat e zeza përsëri kanë dalur në sipërfaqe, duke shkaktuar pakënaqesi tek qytetarët përreth kësaj zone.
/TV Arbëria
