Nuk po funksionon, nuk po ecë tutje, nuk po ka rezultat me të lutem bonë. Nuk shkon mo me të lutem bone, as s;ka shku kurrë me të lutem bone ndaj Serbisë, kështu ka deklaruar Kryetari i Komisionit Qeveritar për Personat e Pagjetur, Andin Hoti në TV ARBËRIA.
Këto komente i bëri Hoti referuar presionit ndërkombëtarë ndaj Serbisë sa i përket çështjes së personave të zhdukur nga lufta e fundit në Kosovë.
Presion ky të cilin Hoti e cilësoi si presion pozitiv.
“I thash presidentes njëlloj presioni pozitiv është ka bëhet në atë kuptimin që, ti mundesh me ndëgju sot te ambasadat e ndryshme që po e bëjnë presionin, mirëpo për mua përnjëmend është presion pozitiv ky, nuk është presion ky është ledhatim që i bëhet Serbisë karshi çështjes së të zhdukurve dhe këtë e kam thënë edhe në Bruksel me qindra herë ndoshta të zotëri Lajçak. Nuk po funksionon, nuk po ecë tutje, nuk po ka rezultat me të lutem bonë. Nuk shkon mo me të lutem bone, as s;ka shku kurrë me të lutem bone ndaj Serbisë”, tha Hoti në emisionin “ARB DEBAT”.