Presidentja Vjosa Osmani foli për udhëheqjen e fortë të SHBA-së ndërsa tha se e ka përgëzuar presidentin Donald Trump për fitoren në zgjedhjet presidenciale në Shtetet e Bashkuara të Amerikës.
Ndërsa qëndroi në Paris për ceremoninë e rihapjes së katedrales ikonik Notre Dame, ajo u takua edhe me Emmanuel Macron. Me Trumpin, shihet se ka biseduar edhe në prani të presidentit francez.
Osmani tha se ishte nder ta takonte Trumpin dhe ta uronte “në emër të popullit të Kosovës”.
“Rikonfirmova gjithashtu angazhimin tonë për të forcuar aleancën tonë”, shkroi presidentja në një postim në X.
“Ne mbështetemi në udhëheqjen e fortë të SHBA-së ndërsa punojmë së bashku për ta promovuar paqen, sigurinë dhe prosperitetin në rajonin tonë dhe më gjerë”.
While in Paris, it was an honor to meet President @realDonaldTrump and congratulate him on his victory on behalf of the people of Kosovo. I also reaffirmed our commitment to strengthening our alliance.
We rely on strong U.S. leadership as we work together to promote peace,… pic.twitter.com/XoLjTKFA8a
— Vjosa Osmani (@VjosaOsmaniPRKS) December 8, 2024
