Futbolli është një sport që ka rregulla të sakta dhe të vendosura mirë që janë zhvilluar dhe zbatuar gjatë shumë viteve. Megjithatë, ka gjithmonë njerëz që duan t’i rishikojnë këto rregulla për t’i përshtatur ato me nevojat e një sporti që është vazhdimisht në zhvillim.
Një person i tillë është presidenti i Napolit, skuadër kjo që aktualisht është në vendin e parë në Serie A, raporton TV Arbëria.
Aurelio de Laurentiis argumenton se disa nga rregullat aktuale të futbollit janë të vjetruara dhe se ato duhet të ndryshohen për të përmirësuar përvojën e lojës për lojtarët, tifozët dhe botën e futbollit në përgjithësi.
Presidenti i Napolit, De Laureniits ka propozuar katër rregulla të reja për ta revolucionarizuar futbollin.
Propozimi i parë është heqja e pushimit pas pjesës së parë dhe vendosja e pushimeve dy minutëshe çdo dhjetë minuta për të lejuar trajnerët të komunikojnë me ekipin.
Propozimi i dytë është që të rritet numri i zëvendësimeve brenda një ndeshjeje.
Propozimi i tretë përfshin ndryshimin e funksionit të kartonëve. 10 minuta mos lojë për një lojtar që ndëshkohet me karton të verdhë, kurse 30 minuta mos lojë ndëshkim për atë që ndëshkohet me karton të kuq.
Propozimi i katërt dhe i fundit ishte që të vendosen kamera të reja në kokat, këmbët ose këpucët e lojtarëve.
