Presidenti i Koresë së Jugut, Yoon Suk Yeol, ka shpallur gjendjen e jashtëzakonshme ushtarake, duke akuzuar opozitën për kontrollin e parlamentit, simpati ndaj Koresë së Veriut dhe paralizimin e qeverisë me aktivitete antishtetërore.
Yoon e bëri njoftimin gjatë një konference televizive, duke u zotuar të “çrrënjosë forcat pro-koreane dhe të mbrojë rendin demokratik kushtetues”.
Sipas The Guardian, nuk ishte ende e qartë se si do të ndikonin hapat e ndërmarra në qeverisjen dhe demokracinë e vendit.
Yoon ka luftuar për të shtyrë axhendën e tij kundër një parlamenti të kontrolluar nga opozita që nga marrja e detyrës në vitin 2022 dhe vlerësimi ndaj i tij është ulur muajt e fundit.
Partia e tij konservatore, Pushteti Popullor është bllokuar në një ngërç me partinë demokratike të opozitës liberale lidhur me projektligjin e buxhetit të vitit të ardhshëm.
Ndërkohë, ai ka hedhur poshtë thirrjet për hetime të pavarura mbi skandalet që përfshijnë gruan dhe zyrtarët e lartë, duke marrë kritika të forta nga rivalët e tij politikë.
Partia Demokratike thuhet se thirri një mbledhje urgjente të ligjvënësve të saj pas njoftimit të Yoon.