Presidenti i Shqipërisë, Bajram Begaj, ka dënuar ashpër sulmin terrorist që ndodhi në Sydney gjatë festimeve të Hanukkah, ku të paktën 11 persona humbën jetën dhe 12 të tjerë u plagosën rëndë. Ngjarja e rëndë ndodhi në zonën e Bondi Beach, duke tronditur komunitetin ndërkombëtar.
Në një reagim zyrtar, Presidenti Begaj shprehu solidaritetin e Shqipërisë me Australinë dhe ngushëllimet e tij për familjet e viktimave:
“Dënoj me forcë sulmin terrorist në Bondi Beach, Australi. Ngushëllime familjeve të viktimave të pafajshme, shërim të shpejtë të plagosurve. Shqipëria është në solidaritet të plotë me Australinë kundër terrorizmit dhe urrejtjes”, shkroi Begaj.
Ky akt i rëndë rikujton nevojën për bashkëpunim ndërkombëtar në luftën kundër terrorizmit dhe promovimin e paqes dhe sigurisë globale.