Presidenca e Kosovës, ka njoftuar se do të ushtrojë padi për shpifje ndaj ndaj gazetarit, Lirim Mehmetaj.
Në njoftimin e Presidencës thuhet se kjo nuk është hera e parë që Mehmetajt tenton të manipulojë opinionin për shpifje.
“Rrjedhimisht, Presidentja Osmani do të ushtrojë padi për shpifje ndaj Mehmetajt në funksion të mbrojtjes së integritetit personal dhe institucional. Mehmetaj nuk ka asnjë provë të vetme për shpifjet e tij dhe nuk mund të ketë, sepse ato që ai deklaron janë shpifje me tendencë të denigrimit të Presidentes dhe familjes së saj. Njëkohësisht, e njoftojmë Lirim Mehmetajn se për çdo shpifje që bëhet ndaj Presidentes edhe në të ardhmen, do të marrë përgjigjen e duhur, nëpërmjet rrugëve ligjore”, thuhet në reagim.