Policia e Kosovës në bashkëpunim dhe koordinim me institucionet kompetente, sot në orët e hershme të mëngjesit ka nisur një operacion në disa rajone të Kosovës.
Kështu ka konfirmuar për KosovaPress, zëdhënësi i policisë Baki Kelani duke thënë se operacioni i policisë po zhvillohet në Prishtinë, Gjilan, Gjakovë dhe Mitrovicë.
“Mund të konfirmojmë se, sot në orët e hershme të mëngjesit, Policia e Kosovës në bashkëpunim dhe koordinim me institucionet kompetente ka filluar realizimin e një operacioni policor i cili përfshinë disa rajone të Kosovës, si DRP Prishtinë, DRP Gjilan, DRP Gjakovë dhe DRP Mitrovicë Jugu”, ka thënë Kelani.
Kelani nuk ka dhënë detaje shtesë mbi natyrën e operacionit.