Vetëm gjatë këtij vikendi, Drejtoria Rajonale e Policisё nё Pejё ka sekuestruar gjithsejt 17 motoçikleta, shkruan Arbëria TV.
Kjo është bërë në vazhdimësi të implementimit tё planit operativ “Motoçiklistët kundërvajtës”.
“Janë sekuestruar shtatëmbëdhjetë motoçikleta tё llojeve tё ndryshme, ndёrsa pёr kundёrvajtёsit janё lёshuar fletёgjoba pёr kundёrvajtjet: mos posedimi i lejёs pёr vozitje, mos posedimi i kategorisё pёrkatёse, ngasje e mjetit pa regjistrim dhe kundёrvajtje tjera”, shkruhet në njoftimin e Policisë.
Tutje në njoftim u bë e ditur se aktivitete dhe detyra të shumta policore, që janë të planifikuara në kuadër të Drejtorisё Rajonale tё Policisё në Pejë, do të vazhdojnë në mënyrë intensive në ditët në vijim, pa asnjë tolerim ndaj secilit kundërvajtës.
“Drejtoria Rajonale e Policisë ne Pejë, apelon tek te gjithë pjesëmarrësit ne komunikacion te respektojnë rregullat dhe shenjat e komunikacionit”, thuhet mes tjerash në njoftimin e Policisë në Pejë./Arbëria TV/