Një depo afër stacionit të Autobusëve që besohet të jetë menaxhuar nga Spitali i Mitrovicës Veriore është cak i një bastisjeje që po kryhet nga Policia e Kosovës në veri.
Policia po shoqërohet nga zyrtarë nga Dogana dhe Agjencia e Kosovës për Produkte Medicinale.
Lajmin e ka konfirmuar zv. Drejtori i Policisë për Rajonin e Veriut, Veton Elshani.
“Pas pranimit të informacioneve se në një depo/magazinë në afërsi të stacionit të Autobusëve policia ka reaguar dhe kemi kuptu se aty ka produkte medicionale për të cilët nuk dihej origjina. Sot kemi thirr Doganën dhe Agjensinë e Kosovës për Produkte Medicionale, ndërsa në ndërkohë kemi kuptu se kjo depo mund të kishte produkte medicionale brenda e që menaxhohen nga Spitali rajonal i Mitrovica Veri. Tani së bashku me personelin e spitalit jemi në proces të verifikimit të kësaj depoje”, tha ai për Front Online.