Gurbeti
po e la pas kujtimin për shkollën
po e la edhe shoqërinë
po i la ditët më të mira
po e la këtu fëmijërinë
në shkollë fillore nxënës i dalluar
shumë mirënjohje e dhurata
po i le brenda në dollap
m’i ruaj me dashuri nënë e ngrata
më fal babë që shumë u mundove
çdo gjë jape për t’më arsimuar
që të bëhem njeri i dijes
e jo në gurbet për të shkuar
më falni shokë që po ju la
fakultetin e përfundova
për një të ardhme më të mirë
një rrugë të re sapo fillova
vëllanë që me të u rrita
gjithmonë bashkë e të pandarë
kur e mora e përqafova
zemra filloi duke qarë
asnjë fjalë nga goja s’më doli
rrugën për gurbet kur e mora
kur përpara meje pash nënën
m’u dridh buza e m’u dridh dora
dyert e shtëpisë kur u mbyllën
pashë në një cep babai shikonte
“rrugë të mbarë biri im”
me lot në sy më uronte
kur mbërrita në gurbet
menjëherë mora një mësim
dy prind gjallë në Kosovë i lashë
e në gurbet jam jetim
sa herë në ëndërr shoh familjen
nisem vrap në përqafim
kur vjen mëngjesi sytë i hap
ndiej në vete një pikëllim
kjo është jeta ime në gurbet
lashë pas diplomën për Avokat
mes heshtjes e mendimeve të thella
me shpres qe nje dite do te kthehem prap
Femzi Aliu
5 mars 2022