Policia ka bërë të ditur se një person në përpjekje për t’iu shmangur arrestimit policor, ka rënë nga lartësia e një ndërtese dhe ka pësuar lëndime trupore.
Për të njëjtin kishte urdhër-arrest vendor dhe ndërkombëtar. Ngjarja ka ndodhur te Lagjja e Spitalit.
I njëjti pas rastit është transferuar për mjekim në QKUK.
“Aktualisht policia, në bashkëpunim me akterët e tjerë përkatës, janë duke ndërmarrë të gjitha veprimet e nevojshme për zbardhjen e plotë të rrethanave të ngjarjes”, thuhet në njoftim policor.