Në orën 23:15 të mbrëmjes së djeshme, në Mitrovicë është raportuar një rast i plagosjes aksidentale me armë zjarri. Sipas informacioneve të Policisë së Kosovës, një i dyshuar mashkull shtetas nga Kosova ka plagosur aksidentalisht një tjetër mashkull shtetas nga Kosova.
Pas incidentit, viktima ka marrë ndihmën mjekësore dhe është jashtë rrezikut për jetën.
Policia ka konfiskuar nga i dyshuari një revole me 41 fishekë dhe një gëzhojë. Rasti është nën hetim, ndërsa i dyshuari është arrestuar dhe, me vendim të prokurorit, është dërguar në mbajtje për procedura të mëtejshme ligjore.
Autoritetet vazhdojnë hetimet për të zbardhur rrethanat e ngjarjes.
“Mitrovicë 18.04.2025-23:15. Është raportuar se i dyshuari mashkull kosovar ka plagosur aksidentalisht me armë zjarri viktimën mashkull kosovar. Lidhur me rastin viktima ka pranuar tretman mjekësor, ndërsa nga i dyshuari është konfiskuar një revole me 41 fishekë e një gëzhojë. Me vendim të prokurorit i dyshuari dërgohet në mbajtje”, thuhet në raportin e policisë.