Policia e Kosovës, përmes raportit të saj të përditshëm ka njoftuar për një rrahje që ka ndodhur në Prishtinë, ku kanë qenë të përfshirë 7 të mitur.
Në raport bëhet e ditur edhe se tek të dyshuarit janë gjetur dhe sekuestruar dy thika.
Pos kësaj, nga policia është shtuar se dy të dyshuar janë dërguar në mbajtje, ndërsa të tjerët janë liruar në procedurë të rregullt.
‘‘SULM – Prishtinë / 08.12.2024 – 18:15. Janë shoqëruar në stacionin policor shtatë të dyshuar meshkuj kosovarë të mitur, pasi që ishin përleshur në mes vete. Tek dy të dyshuar janë gjetur dhe sekuestruar dy thika. Me vendim të prokurorit dy të dyshuar janë dërguar në mbajtje, ndërsa të dyshuarit tjerë janë liruar dhe rasti shkon në procedurë të rregullt’’, ka njoftuar policia.