Skuadra e Barcelonës mori një fitore magjike dje ndaj Bayern Munich me rezultatin 4-1 në ndeshjen e Ligës së Kampionëve.
Pedri pas ndeshjes u shpreh shumë i lumtur për fitoren, pasi sipas tij vitet e fundit kanë munguar rezultatet pozitive ndaj bavarezëve.
“Unë kam qenë tifoz i Barcelonës që kur isha fëmijë, dhe pas humbjeve në ndeshjet e fundit kundër Bayernit… Ne donim të hakmerreshim”, tha Pedri pasi Barça mposhti Bayernin 4-1.
Barca nuk e ka mposhtur Bayernin në Ligën e Kampionëve që nga sezoni 2014/15, me bavarezët që kanë fituar 8 nga 9 ndeshjet e fundit para përballjes të së mërkurës.
Duke shpjeguar se si Barça mundi Bayernin, Pedri i dha të gjitha meritat Hansi Flick.
“Jam në një nga momentet e mia më të mira, ka kohë që nuk jam kështu fizikisht dhe tani po arrij ta kem këtë rregullsi.
“Kam gjetur diçka që më bën shumë mirë dhe e vërteta është se po kënaqem duke luajtur te Barça, që ishte ëndrra ime si fëmijë”.
Pedri tani ka luajtur 13 ndeshje këtë sezon duke shënuar tre gola dhe dy asistime.