Drejtori i Institutit “Octopus”, Agim Musliu ka publikuar një video në profilin e tij në rrjetin social “X”, ku shihet duke kënduar këngë nacionaliste patriarku i Kishës Ortodokse Serbe, Porfirije.
Musliu sipër videos ka shkruar se patriarku po këndon këngë nacionaliste, duke rritur agresionin e Serbisë ndaj Kosovës.
“Patriarku i kishës, Porfirije këndon këngë nacionaliste, duke rritur në të njëjtën kohë agresionin e Serbisë ndaj Kosovës”, thotë Musliu, transmeton Telegrafi.
Para pak ditësh edhe tenisti serb, Novak Djokovic në paraqitjen e tij në turneun kryesor të meshkujve në tenis ka hyrë me këngë nacionaliste.
Ditën e enjte, Djokovic gjatë prezantimit para ndeshjes me Britaninë e Madhe, u prezantua me këngë nacionaliste për Kosovën.
“Le të valojë flamuri i Serbisë nga Prizreni deri në Rumi”, ishte njëra nga fjalitë e tekstit të këngës që u prezantua nga ai.
E, për këto ka pasur reagime të shumta në Kosovë, Mal të Zi dhe në Bosnjë e Hercegovinë.
https://twitter.com/agim_musliu/status/1728771423441940806?ref_src=twsrc%5Etfw%7Ctwcamp%5Etweetembed%7Ctwterm%5E1728771423441940806%7Ctwgr%5E2745328de490b261169a19d9590d99f365c69fe9%7Ctwcon%5Es1_&ref_url=https%3A%2F%2Ftelegrafi.com%2Fpatriarku-porfirije-shihet-ne-nje-video-duke-kenduar-kenge-nacionaliste%2F
/TV Arbëria