Papa Françesku u largua nga spitali Gemelli në Romë pas pesë javësh, pasi u përball me pneumoni.
Pasi doli nga spitali, ai përshëndeti turmën e mbledhur dhe vetura me të cilën po udhëtonte u nis drejt një kishe në Romë dhe më pas në shtëpinë në Vatikan.
Në Vatikan, turma të mëdha njerëzish u mblodhën nëpër rrugë për të pritur Papën 88-vjeçar.
Të shtunën, mjekët njoftuan se Papa do të lirohej nga spitali, por ai, thanë mjekët, duhet të shmangë takime me grupe të mëdha njerëzish dhe të mos i shkaktojë vetes lodhje, raportojnë mediat italiane.
Pas një kohe, mjekët thanë se Ati i Shenjtë mund t’iu rikthehet të gjitha aktiviteteve të tij normale.