Papa Françesku po kërkon një hetim lidhur me akuzat për gjenocid të kryer nga Izraeli në Rripin e Gazës.
Kjo është hera e parë që prijësi fetar i katolikëve kërkon këtë, ndërsa në shtator ai tha se sulmet e Izraelit në Gaza dhe Liban kanë qenë “imorale” she jo proporcionale, dhe se ushtria izraelite ka shkuar përtej rregullave të luftës.
Papa kërkesën për hetim e ka dhënë gjatë intervistës në librin e Hernan Reyes Alcaide, i cili titullohet “Shpresa nuk zhgënjen kurrë. Pelegrinët drejt një bote më të mirë”.
Libri i lartcekur do të publikohet të martën para jubileut të Papës 2025. Jubileu njëvjeçar i Françeskut pritet të sjellë më shumë se 30 milionë pelegrinë në Romë për të festuar ata që ata e quajnë “Viti i Shenjtë”.
“Sipas disa ekspertëve, ajo që po ndodh në Gaza ka karakteristikat e një gjenocidi”, tha Papa në fragmentet e botuara të dielën nga e përditshmja italiane La Stampa.
“Ne duhet të hetojmë me kujdes për të përcaktuar nëse ai përshtatet me përkufizimin teknik të formuluar nga juristët dhe organet ndërkombëtare,” shtoi ai.
Vitin e kaluar, Françesku u takua veçmas me të afërmit e pengjeve izraelite në Gaza dhe palestinezët që jetonin gjatë luftës.
Ai foli në atë kohë për vuajtjet e izraelitëve dhe palestinezëve pas takimeve të tij, të cilat u organizuan përpara marrëveshjes izraelite-Hamas për pengjet dhe ndalimin e përkohshëm të luftimeve.
Papa kishte kontrollin editorial mbi librin e ardhshëm.