Presidentja e Kosovës, Vjosa Osmani ka takuar gjeneralin Christopher Cavoli, komandantin suprem të Forcave Aleate për Evropë në NATO.
E para e vendit në Mynih tha se me Cavol-in ka diskutuar për rolin e pazëvendësueshëm të NATO-s në Kosovë gjatë 23 viteve të fundit në mbrojtje të sigurisë dhe stabilitetit.
“Diskutuam mbi rolin e pazëvendësueshëm të NATO-s në Kosovë gjatë 23 viteve të fundit në mbrojtje të sigurisë dhe stabilitetit. Në këtë kohë përcaktuese për kontinentin evropian, riafirmova përkushtimin e institucioneve të Republikës së Kosovës për një bashkëpunim të ngushtë me aleancën, duke kontribuar aktivisht në sigurinë e rajonit dhe më gjerë”, tha Osmani në Facebook.