Presidentja Vjosa Osmani është takuar me Senatorin amerikan Andy Kim.
Ajo ka thënë se Kosova është e bekuar me mbështetjen e fuqishme dhe të palëkundur të Kongresit Amerikan.
“Në Washington D.C., kisha kënaqësinë ta takoj Senatorin Andy Kim, për të diskutuar forcimin e partneritetit strategjik midis Kosovës dhe Amerikës në fusha të ndryshme të interesit të përbashkët, përfshirë sigurinë, zhvillimin ekonomik dhe inovacionin.”, ka shkruar Osmani në Facebook.