Presidentja e Republikës së Kosovës, Vjosa Osmani po krenohet me faktin se Kosova është ndër vendet e pakta që garanton në mënyrë specifike të drejtat e minoriteteve dhe të gjithë qytetarëve.
E para e shtetit në konferencën “Analizë gjithëpërfshirëse e Kushtetutës së Kosovës”, organizuar me rastin e 15-vjetorit të Kushtetutës së Kosovës, nga Grupi për Ballkan, shtoi se Kushtetuta e vendit është shumë unike dhe i mvesh presidentes detyra të rëndësishme.
Ajo pohoi se është e gatshme të vazhdojë që t’i shërbej vendit ashtu siç kërkon Kushtetuta. Sipas saj, nuk ka gjë më të dhimbshme për një shoqëri se sa të humbim besimin në drejtësi.
“Në 15 vjetorin e Kushtetutës sonë ne duhet të reflektojmë mbi ata që a përben kjo Kushtetutë bazë të mirë për ecjen përpara të vendit tonë. Me shumë krenari e themi që jemi ndër vendet e pakta që kanë një garantim të të drejtave të minoriteteve dhe të gjithë qytetarëve”.
“Jemi vendi më vlerësimet më të larat në rajon. Një armë shumë e rëndësishme e Kushtetutës sonë është korniza institucionale. Kushtetuta jonë është tejet unike që i mvesh presidentes një detyrë të rëndësishme. Gjatë këtyre 15 vite Kushtetuta ka ndryshuar. Kemi nisur historinë e saj më mbikëqyre. Para Gjykatës Kushtetuese janë edhe amendament për Vettingun. S’ka gjë më të dhimbshme për një shoqëri se sa të humbin besimin në drejtësi. Gjersa po festojmë këtë shpreh gatishmërinë për të vazhduar në shërbim të vendit ashtu siç kërkon Kushtetuta”.
Në këtë konferencë është prezantuar edhe raporti i politikave “Kushtetuta e Kosovës: Rishikim Gjithëpërfshirës&Analizë Ligjore”, që analizon 21 çështje kushtetuese që lidhen me sistemin e ligjeve, funksionimin e institucioneve dhe juridiksionin e Gjykatës Kushtetuese si dhe propozon zgjidhje për mangësitë kushtetuese.
/TV Arbëria