Këshilli i Sigurimit i Kombeve të Bashkuara ka bërë thirrje për një hetim të pavarur mbi “raportet e zbulimit të varrezave masive” pranë dy spitaleve në Gaza.
Qindra trupa, duke përfshirë gra, fëmijë dhe njerëz të moshuar, dyshohet se janë gjetur në dhe rreth objekteve mjekësore Nasser dhe al-Shifa të Gazës, tha Këshilli i Sigurimit i OKB-së në një deklaratë.
Ai bën thirrje që hetimet e pavarura të fillojnë menjëherë dhe “të lejohet qasje e papenguar në të gjitha vendet e varrezave masive”.
Anëtarët e Këshillit të Sigurimit të OKB-së rikonfirmuan gjithashtu në deklaratë rëndësinë e mbrojtjes së “civilëve dhe objekteve civile” sipas ligjit ndërkombëtar, shkruan BBC.
