Deputeti i Vetëvendosjes, Albin Kurti, nuk është deklaruar për gazetarë pas seancës së Kuvendit.
Kurti, si kryetar partie, që dështoi t’i sigurojë votat për kandidaten e propozuar për kryeparlamentare, Albulena Haxhiu, e cila në dy votime nuk i mori votat e nevojshme, refuzoi të përgjigjej në pyetjet e gazetarëve.
Ai u pyet se si do të arrijë t’i bëjë votat për të hënën kur është caktuar seanca e radhës dhe se në çfarë cilësie po kthehet në Qeveri pasi u betua si deputet.
Në asnjërën nga këto, Kurti s’u përgjigj.
Në seancën e sotme u arrit zhbllokimi me votimin e raportit të Komisionit për verifikimin e mandatave, gjë që çoi pastaj te betimi i tyre.
Megjithatë, sërish ngeci meqë Vetëvendosje nuk i pati numrat e kërkuar që ta zgjedhë Albulena Haxhiun kryeparlamentare.
Video: EO