Lille ka shënuar fitore me rezultat 3-0 në shtëpi ndaj Lorientit, në kuadër të xhiros së 20-të në elitën e futbollit francez.
Një ndër lojtarët më të mirë në fushë për ekipin francez ishte edhe sulmuesi nga Kosova Edon Zhegrova, i cili shënoi një gol fantastik në çastet e fundit të ndeshjes.
Po luhej minuta e 93-të kur Zhegrova me një goditje nga një distancë e largët arriti të mposht portierin kundërshtar për rezultatin 3-0.
Ky ishte goli i dytë i Zhegrovës në këtë edicion të ri të garave në Ligue 1, teksa ai numëron edhe katër asistime.
Forma e lartë e Zhegrovës këtë sezon me Lille ka rënë në sy të shumë ekipeve evropiane, ku një ndër ekipet që raportohet se ka shprehur interesim për të është Real Sociedadi.
24-vjeçari ka kontratë me Lille deri në vitin 2026 dhe momentalisht vlera e tij në treg sipas Transfermarkt qëndron rreth 10 milionë euro./Telegrafi/
https://twitter.com/mvngvkyo/status/1746531798882844851?ref_src=twsrc%5Etfw%7Ctwcamp%5Etweetembed%7Ctwterm%5E1746531798882844851%7Ctwgr%5E02d649a00dc595301ac6b10041dcea974c81ca3a%7Ctwcon%5Es1_&ref_url=https%3A%2F%2Ftelegrafi.com%2Fnuk-ka-te-ndalur-zhegrova-shenon-gol-te-jashtezakonshem-ne-fitoren-e-lille%2F