Liam Payne, i cili fitoi famë globale me grupin e djemve One Direction, u gjet i vdekur pasi u rrëzua nga një ballkon i dhomës së hotelit në katin e tretë në Buenos Aires, duke shkaktuar një vërshim homazhesh nga fansat.
Ndërsa lajmet u shfaqën për vdekjen e këngëtarit 31-vjeçar anglez, fansat e një prej grupeve më të shitura të djemve në botë u mblodhën jashtë hotelit në lagjen e gjelbëruar Palermo të kryeqytetit argjentinas për të kënduar këngët e tij dhe për të festuar jetën e tij.
Një punëtor hoteli kishte lajmruar për problemet që ai po shkaktonte gjatë qëndrimit në hotel duke thënë “ ai po shkatërron të gjithë dhomën dhe ne kemi nevojë që ju të dërgoni dikë”, tha punëtori, duke shtuar se jeta e mysafirit ishte në rrezik sepse dhoma kishte një ballkon.
Policia tha në një deklaratë se ata ishin thirrur në hotelin CasaSur pasi u njoftuan për një “burrë agresiv që mund të ishte nën efektin e drogës dhe alkoolit”.
Kur arritën, menaxheri i hotelit raportoi se kishte dëgjuar një zhurmë të madhe nga oborri i brendshëm dhe policia zbuloi se një burrë kishte rënë nga ballkoni i dhomës së tij, thuhet në deklaratë
Më herët të mërkurën, Payne postoi në Snapchat për udhëtimin e tij në Argjentinë, duke folur për kalërimin e kuajve, duke luajtur polo dhe duke pritur me padurim të kthehej në shtëpi.
“Është një ditë e bukur këtu në Argjentinë”, tha ai në video.
Payne ubëri një duet edhe me Rita Ora në këngën 2018 “For You”./tvarbëria/