Ajo bëri një pauzë të shkurtër nga tregu muzikor shqiptar, por duket se është rikthyer fuqishëm.
Bëhet fjalë për rap-artisten nga Prizreni, Tayna, e cila i ka munguar skenës për disa muaj.
Doruntina Shala (emri i vërtetë) ditën e sotme (e hënë) ka prezantuar këngën e re “Si ai”.
Ky projekt i veçantë i Taynës nis me një poezi që e ka titulluar “Vetëdija”.
Ajo vjen me një poezi emocionuese, në të cilën shprehet me fjalë zemre.
Teksti dhe melodia u realizua nga vet këngëtarja me producim nga Benny Bee.
Për ‘beat’-in u përkujdes Black Eagle Beats e me miksim dhe masterizim nga Adam Piastowski.
Videoja gjithashtu është unike që tashmë ndodhet në platformën YouTube. /Telegrafi/
