Para se të fillonin të shtënat me armë në mitingun e fushatës së ish-presidentit Donald Trump të shtunën, një oficer policie ishte përballur me sulmuesin e identifikuar tashmë, Thomas Matthew Crooks në çatinë e një ndërtese aty pranë, sipas dy zyrtarëve të zbatimit të ligjit që folën për Associated Press të dielën.
Trump, kandidati i supozuar republikan për president, po fliste në tubimin e tij në Butler, Pensilvani, të shtunën në mbrëmje kur u qëllua në skenë, me një plumb që goditi pjesën e sipërme të veshit të tij të djathtë.
I armatosuri i dyshuar, i identifikuar tani nga Byroja Federale e Hetimit (FBI) si 20-vjeçari Crooks nga Bethel Park, Pensilvani, u qëllua dhe u vra nga Shërbimi Sekret, përcjell Telegrafi.
Një pjesëmarrës në tubim, ish-zjarrfikës 50-vjeçar u vra gjithashtu gjatë incidentit.
Të plagosurit, të identifikuar tani si 57-vjeçari David Dutch nga New Kensington, Pennsylvania dhe 74-vjeçari James Copenhaver nga Moon Township, Pennsylvania, janë në gjendje të qëndrueshme.
E një zëdhënës i fushatës së Trump tha të shtunën se ish-presidenti ishte “mirë” dhe “po kontrollohej në një institucion mjekësor lokal”.
Trump u lirua nga spitali më vonë atë natë.
Menaxheri i fushatës së Trump zbulon pse ish-presidenti lëvizi kokën përpara se plumbi i personit të armatosur “t’i çante” veshin
Lexo po ashtu
Menaxheri i fushatës së Trump zbulon pse ish-presidenti lëvizi kokën përpara se plumbi i personit të armatosur “t’i çante” veshin
FBI e ka klasifikuar të shtënat si një atentat dhe po punon si agjenci kryesore për hetimin së bashku me Shërbimin Sekret dhe zbatimin e ligjit vendas.
