Një person është arrestuar në Gorazhdec të Pejës, pasi sipas njoftimit të policisë, i dyshuari bashkë me disa persona të tjerë këndon këngë me përmbajtje që nxisin përçarje, mosdurim dhe urrejtje ndëretnike.
Pos kësaj, në njoftim thuhet se pati edhe konsumim të alkoolit e thyerje të shisheve.
“Drejtoria Rajonale e Policisë nё Pejë, Stacioni Policor në Pejё, me datë 12.08.2024, rreth orës 23:45, është njoftuar se nё fshatin Gorazhdec-Pejё, disa persona këndonin kёngё me përmbajtje qё nxisin përçarje, mos durim dhe urrejtje ndëretnike me zë tё lartё, konsumonin alkool dhe thyenin shishe, pasi qё Policia ka shkuar nё vendin e ngjarjes, tё dyshuarit ishin larguar nga vendi i ngjarjes. Pas njё pune intensive nga zyrtaret policorë, me datё 18.08.2024 ёshtё arritur tё identifikohet dhe arrestohet njё nga tё dyshuarit për kёtё vepër penale, pas intervistimit nga hetuesit, i dyshuari me vendim tё prokurorit tё shtetit ёshtё ndaluar pёr 48- orё”, njofton policia.