Policia në orët e vona të së premtes ka marrë një informatë se një vajzë është rrëmbyer në Shaptej të Deçanit.
Sipas ankuesit dhe dëshmitarit, vajza e mitur me të meta mendore ishte rrëmbyer nga një i dyshuar pranë shtëpisë së saj.
Pasi i janë vënë pas, ata kanë arritur ta ndalin veturën dhe ta marrin viktimën, të cilën më pas e kanë dërguar në shtëpi.
Sipas policisë, i dyshuari është arratisur ndërsa vetura me të cilën dyshohet se kishte kryer rrëmbimin, është gjetur e braktisur 3 km nga vendi i ngjarjes.
“Viktima është dërguar për tretman mjekësor, e njëjta nuk ka pasur lëndime fizike sipas raportit të mjekut, por vetëm shqetësim. Rasti duke u hetuar”, thuhet në njoftimin e PK-së