Njohësi i diplomacisë, Lulzim Nika ka deklaruar se historikisht Rusia ka qenë fuqi që ka pasë ndikim edhe te çështja shqiptare.
Kështu deklaroi Nika, në emisionin “N’PULT” në TV Arbëria, derisa theksoi se hegjemonia rusosllave ka rrezikuar interesat e Perendimit dhe të Shteteve të Bashkuara të Amerikës.
“Hegjemonia rusosllave historikisht ka rrezikuar interesat e perendimit, interesat e ShBA’ve në mënyrë të veçantë interesat shqiptare për arsye se në të gjitha rrethanat historike kur Rusia ka qenë fuqi ka pasë ndikim dhe çështja shqiptare ka qenë e dëmtuar. Duke u nisur nga Kongresi i Berlinit, nga luftërat ballkanike vazhdimisht Rusia dhe diplomacia ruse ka qenë pro interesave të satelitëve të shteteve slave në Ballkan”, tha ai./TV ARBËRIA