Njohësi i diplomacisë, Lulzim Nika duke komentuar ardhjen e administratës së re në SHBA, ka thënë se administrate e dytë e Trump erdhi më stabile dhe më e guximshme.
Kjo pasi sipas tij, për herë të parë një president nënshkruan urdhëra ekzekutivë në ceremoninë e inaugurimit të tij.
“Për dallim nga administrate e parë e presidentit Trump, në administratën e dytë, presidenti Trump vjen më stabil dhe me vendime më të guximshme. Është presidenti i parë që kisha rastin të jem edhe në ceremoninë e inaugurimit e tij në sallë, që do me thënë në ditën e inaugurimit nënshkruan urdhëra ekzekutivë dhe i ndalon disa ligje dhe urdhëra të mëhershëm të cilat i kishte si parime politike në fushatën elektorale”, tha Nika në emisionin “N’PULT”, në TV Arbëria.