Drejtoresha e Qendrës Kinematografike të Kosovës, Blerta Zeqiri, në një intervistë për TV Arbëria, në emisionin “Pa Titull” me Dan Ahmetin, ka folur për punën e saj.
Ajo ka treguar për kalimin që ka bërë nga krijuese si artiste, në drejtoreshë të Kinematografisë dhe në një pozitë menaxheriale.
“Që dy vite e drejtoj Qendrën Kinematografike të Kosovës, deri tani kam qenë artiste, kam marrë me krijim, tani kam dalë në një pozitë menaxheriale, e cila kërkon të përdor kreativitetin për të kryer punë administrative.
Gjatë gjithë jetës kam pasur dëshirë të mësoj, dhe tani po mësoj disa gjëra që nuk i kam ditur, që kanë qenë pjesë e industrisë së filmit, por që më herët do të thosha i kam ditur këto pjesë të artit.
Është interesante se gjithmonë punët e filmit, apo edhe punët e tjera, nuk bëhen rutinë, sepse gjithmonë kërkojnë gjetje të reja,” ka thënë ajo në “Pa Titull”. /TV Arbëria