Nga nesër hyn në fuqi Marrëveshja e Tregtisë së Lirë me EFTA-n

Sipas Doganës së Kosovës, në kuadër të zbatimit të kësaj marrëveshjeje, janë përcaktuar edhe procedurat për dëshmitë e origjinës dhe deklarimin doganor të mallrave që plotësojnë kushtet për trajtim preferencial.

Dogana e Kosovës u ka bërë thirrje operatorëve ekonomikë që të kenë parasysh ndryshimet e mësipërme gjatë përgatitjes dhe deklarimit të mallrave në import.

Po ashtu, Dogana ka kërkuar që operatorët ekonomikë të sigurohen që dëshmitë e origjinës dhe dokumentacioni përkatës të jenë në përputhje me kërkesat e marrëveshjes dhe rregullat në fuqi.