Kroacia këtë vit ka lëshuar më shumë se 100 mijë leje pune për punëtorët e huaj dhe arsyeja për këtë janë ndryshimet e mëdha demografike që po kalon, dalja e fuqisë punëtore, por edhe rritja ekonomike, njoftoi sot agjencia e punësimit PickJobs, bazuar në një anketë të kryer mes punëdhënësve.
“Në tri vjetët e fundit vihet re një rritje e dukshme e kërkesave për leje pune për punëtorët e huaj nga vendet e largëta, të cilët më së shumti vijnë përmes agjencive. Në Kroaci vijnë kryesisht punëtorë me aftësi të ulëta, kryesisht në aktivitete shërbimi, kryesisht në turizëm, hoteleri dhe punë ndërtimi, por kërkohen edhe punëtorë në bujqësi dhe punë të tjera sezonale”, thotë PickJobs, përcjell HRT.
Shtohet se numri më i madh i lejeve për qëndrim dhe punë në Kroaci në vitin 2022 janë dhënë për shtetasit e Bosnjë-Hercegovinës, Serbisë, Maqedonisë së Veriut, Nepalit, Ukrainës dhe Filipineve. /TV Arbëria