Në Ozdrim të Pejës, u sekuestruan një sërë pajisjesh të një operatori ilegal.
Kështu bën me dije ministri i Infrastrukturës, Mjedisit dhe Planifikimit Hapësinor, Liburn Aliu përmes një postimi në Facebook.
Gjatë aksionit të fundit, me urdhër të prokurorit u sekuestruan pesë bagerë si dhe katër kamionë.
“Ne jemi për të vënë para përgjegjësisë të gjithë shkelësit e ligjit, në të gjithë vendin tonë, rrjedhimisht, ju bëjmë thirrje të gjithë atyre të cilët kryejnë aktivitete të tilla ilegale, që të ndalojnë menjëherë, pasi që nuk do të ketë asnjë kompromis me ata të cilët degradojnë mjedisin”, shkruan Aliu.