Në 25-vjetorin e rënies heroike, sot është mbajtur akademi përkujtimore kushtuar heroit të Kosovës Bahri Kuqi, ku është vlerësuar lart kontributi i tij për liri të Kosovës.
Kjo akademi është organizuar nën patronazhin e kryetarit të Komunës së Vushtrrisë, Ferit Idrizi, i cili në fjalën e tij tha se Bahri Kuqi më të rëndësishme se jetën e tij e kishte lirinë e Kosovës.
Në këtë akademi përkujtimore është bërë edhe përurimi i librit kushtuar heroit, i titulluar “Bahri Kuqi -Komandant Luani”, nga autori Ibrahim Kuqi.
Po sot u shënua edhe dita e shkollës që mban emrin e heroit “Bahri Kuqi” në Shtitaricë, me ç’rast u publikua botimi i revistës shkollore “Trajektorja”.
Në nderim të heroit, janë bërë homazhe pranë varrit të tij në varrezat e dëshmorëve të kombit në Bletaj.
/TV Arbëria